. العنب
ما أطيبك ياعنب الزيني
لمَّا بتعبي من العرق قناني
سهرتنا أُنس و جملها الهوى
مع الحلوايّة بربيعها الثاني
صرنا ندق الكاس بالكاس
نبقبش بالعب وندور الرماني
سنين وعايش ع هاالحال
شب جهلان و بنت جهلانة،ي
الناس تقول هذا زير محتال
كل يوم بنت أحلا من الثاني
حتى لاحت صبية من الخيال
خربطت عقلي وقلبت كياني
واعدتني تجي تكون حدي
تأخرت و خبر منها ماجاني
شو يلي أخرها و إللي بدل
أسرت عمري و ملكة زماني
أنا و هيّة عصافير بالغرام
وحدهُ هاالأمل عايش خلاني
متى يا حب نجتمع سوا
نْفرح حجار البيت و الخلاني
.. غانم ع الخوري ..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.