ماذا لو؟؟؟؟؟؟
إيه رأيك أخونك أنا كمان
وتجرب نار الغدر والخيانة
وبإيدي أشربك الذل والهوان
وتجرب نار متعرفش بعدها إستكانة
أسقيك عذاب كؤوس مرار وحرمان
وتعرف معنى القسوة والإهانة
إيه رأيك لو أبيعك ببلاش زيك زمان
يمكن تحس بعد مني بعذاب الانسانة
اللي حبتك وكان جزاها الاقصاء والخذلان
وشربت منك كل انواع المر والمهانة
لو حطيتك مكاني تجرب قسوة النكران
تشوف روحك بتتعذب من الكون تعبانة
وتبكي وقلبك مجروح تايه في النار حيران
تموت الف مرة وعيونك للراحة تكون عطشانة
تذوب زي شمعة عذابك عليك يبان
وتشوف نفسك ميت والقضية خلصانة
ياريت تجرب مرة تكون معايا إنسان
وتقول احساسك لو كنت انا اللي خنت الامانة
حتسامح وتفتح في وشي تاني بيبان
ولا حتقول النفس من حبك خلاص قرفانة
فاطمة قرقوري الوردة البيضاء
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.