&&&&&( المهم والأهم )&&&&
المهم انك توقد شموع الضمير
لو سار كل الناس بليالي العتم
يبقى ضميرك حيّ وسراجو منير
نور التجلّي زاح غيمات القتم
خلّي لسانك بالصدق يبقى سفير
عيف النميمة لا تعوده الشّتم
امر الشعر هاليوم باينتو خطير
تيكون صادق يلزم الشاعر زمم
ويلي بشعر الغير سارق مستعير
منّا علامة ما اخذ عمرو رقم
واظب عجهدك فقد تصبح جدير
راية خفوقة فوق سارية العلم
شوف المعري كان والشاعر جرير
لا مدرسة تعليم قد نالوا القمم
مفتاح بيت الشعر والأعشى ضرير
كان بمجال الشعر من اصعب رقم
مش عيب كسرالقافية مانك خبير
بدها رجولة وتضحية شوية عزم
ما همني التعليق لو قالوا فقير
عندو جهالة ينقصو شوية علم
عندي الأهم كتير ثابر ب المسير
جمّع من العيدان تيصيرو حزم
الحزمة مهمة كتير يصعب كسرها
لو. فرّقوها بكل عود ب تنعدم
سلمان حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.