يا خسارة !!!
صدقيني كان عندي حلم
وطول عمري بحلَم نولو ...
ما بعرف شو اللي غيّرني
وخلّاه يبطَل مفعولو !!!
ما خصِّك انتِ بالنّص
وبعدو عشقك ع اصولو ..
بس الحظّ اللي مفارقني
بيجبرني غصبَاً شيلو !!
الدنيه نابها حدّ وقاسي
ما عندها شفقة ورحمة ..
بتنهش بتغيّر بتدمّر
ما بتعرف قيمة زّلمة !!!
بتتلوّن كيف بدّها وما حدا
بيقدر يعملّها فَرمة ...
نيّال اللي بيرضى بحكمها
وبيقول عَ كلشي نعمة !!!
اسمعي منّي دوّري ع حالكْ
معذورة مهما عملتِ ...
شيلي قصص الحب من بالكْ
يلْ فيها دهر غرقتِ !!!
القصة ما عادت اخلاص
وعشق وتيم تجرّعتِ ..
القصة أكبر مني ومنّكْ
يارب تكوني فهمتِ !!!
عامر ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.