( أصل الحكاية مصر )
كان نفسي اقولك تعالي
نسكن الغربه بدل ماسكنها لوحدي
نشيل همومنا ونصبر بعضنا
ونعيش حياتنا بالمتاعب والاسيه
أصل كل الصعاب تهوون بقربك
لما كل يوم تدفيني شمسك
مش هتعرف تغيب عنى السعاده
والموده هتفضل معايا مش اسيه
تعالي واسكني قلبي وارحلي وياه
ويا نبضي ويا حبي ويا عشقي
كان نفسي اخدك لحضني
واخبيك من عيون كل البشر
واحكم عليك بالسجن جواى
طول العمر
كان نفسي اصرخ بين ألوف
البشر واقول انك غرامي
وملاكي واحتوائي وجنوني
وعقلي وحياتي ومماتي
كان نفسي احكيلك
عن كل حاجه في قبل السفر
نفسي دمعتي متنزلش قدامك
ولا اضعف ولا اشكي بعادك
كان نفسي اقول مش هسافر
ولا هبعد عنك وغادر ولا اسكن
الغربه بعيد عنك واكابر
كل شئ كان نفسي فيه هو قربك
معاي بكل اوقاتي وكل احتياجي
كان زي ما كان كل البشر يتمنى
الحياه مع قلب حبه وعشقه وضمه
لكن تعبتنا الحياه. والزمن مش راضي
يرسم على وجهنا السعاده
هصبر والصبر بقربك عباده
وأصلي بمحرابك وادعي بحنانك
واتوضى بمية غرامك واتيمم
لو خلصت دموعي فغرامك
وانوى صلاة الغريب بعد المغيب
والشمس تغرب بحضنك
والقلب ينبض بشمسك
اصل الحكايه اني بحبك
يامصر
عابدين محمود البرادعي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.