وجَع !!!
يسعِد لي ياك ربّي ويسَهّلْ دربَكْ ..
يا رفيق الرّوح اللي لسّه والله بحبّكْ !!!
كتير صعبْ عليّ .. ما قضّي العمر بجنبك ..
هيك الله راد ما كان ذنبي ولا ذَنبكْ !!!
الدنيه أحلام مش كل شي فيّا بيظبَط ...
وجع وآلام والحظ الّ فيّا مزبّط !!!
عا ناس وناس والباقي كلّو مربّط ...
قدّام النّحسْ اللي فرّق قلبي وقلبك !!!
هيك الله راد ما كان ذنبي ولا ذنبَك !!
راح تبقى هَون سَاكن قلبي وعينيّي ..
كلّ يوم بيَوم قدّملك بوسة هديّة !!!
مفكّر انسَاكْ وحياة الله ما فيّي ..
أهون لي موتْ واتشَهَّد انّي بحبّك !!!!
هيك الله راد ما كان ذنبي ولا ذنبَك !!
عامر ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.