/ للغوالي في واحة الإبداع /
يسعد مساكن كل ما طل المسا
يرش الفرح بقلوبكن علَّ وعسا
يرجّع ليالي الأنس ويطيب السهر
بأحلى عرس للشعر مش رح ينتسا
يسعد مساكن كل ماطل القمر
وكل ما كنار الحب بالريش اكتسا
وكل ما التقوا العشاق برّات النظر
وكل ما صبيّة بعرس لبست محبسا
يسعد مساكن كل ما الحق انتصر
ع الباطل ويمحي الشقى يزول الأسى
وكل ما المحبة يكون عنقودا اختمر
بواحة نغم حرّاس فكر بتحرسا
راجع أنا بعد الفراق من السفر
تاج الشعر تاج الأدب رح لبّسا
يسعد مساكن هالحلو في واحة الإبداع
جايي أنا وعن شوق بدي بوّسا .
د. عيسى فضة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.