مساكم شعر وعنقود وخمر وطلة بدر
&&&&&&&&&( موشح )&&&&&&&&
بين الشفة والشفة يحلو التكرير
شفّة وحدة بتكفي تعمل سكير
عنقودك شو مستحلي يعمل خمّار
بمزجة ريقك يسمحلي عبي لجرار
بهندس شغلي ع مهلي ياست الكار
بكلكةاشواقي شغلي بحب التقطير
*
خمر معتق بدنانك ياطيب خمور
مبين من لمع سنانك نعم المنظور
جايي رتل الحانك حبيت سطور
الشعر بردّت قصدانك حلياني كتير
*
هيدي النظرة اللمّاحة وبسمة هالثغر
معها العيشة مرتاحة ويطول العمر
بكعب صديرك تفاحة نحكيها بجهر
لو حكيناها بصراحة منلغي التشهير
*
شاعر متلي بيحكيها وماني فزعان
قلبي متولع فيها دوماً ظمآن
عطوني قفلة غنيها بمدح النسوان
بجنن هالعالم فيها وعالريح بطير
*
عيون السودة محلاها تسلم لعيون
قلبي داب بجفناها صفى مجنون
بنومي بيطرق زكراها يارب الكون
بعتلي آية إقراها بمعنى التفسير
سلمان حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.