{ بسّ طمّني } بقلم الشاعر الكبير الدكتور [ عامر تيسير نابلسي ]

Amer Tayseer Nabulsi

منذ ١٦ س

بسّ طمّني !!!

بس ريّحني بسّ طمّني

كيف لقيْت غيابَكْ عنّي ؟

حاسس باحساسي ومتعذّبْ

ولّا مرتاح ومتهنّي ؟ !!!

ناري عم تاكل بضلوعي ..

دابت عينيّي من دموعي ..

دبلِت سهراتي وشموعي ..

والفرحة هربانة منّي ؟!!!

بسّ ريحني بس طمّني

كيف لقيْت غيابك عنّي ؟!!!

معقولة نسيتني ولا سَائل ..

وجعي وهمّي منّك شايل ..

ناطر اترجّى واتحايل ..

تا ما تهجر روحي وتهجرني؟!!

ما حنّيت يضمّك قلبي ؟..

ما اشتقت لإحساسي وحبّي؟..

ولا الرّجعة صارت صَعبي ؟..

قولها بوجّي شو مستنّي ؟ ..

بس ريحني بس طمني

كيف لقيت غيابك عنّي ؟!!!

عامر ...