..موال كأس المر.. (❇️)
عجبى عليك يا زمن
فيك الفلوس بتغر
و آآآآآه من العويل لو شبع
بينسى أصله و ينغر
أنا جار عليه الزمان
سقانى كأس المر
و الحوجة مره بتكسر
إبن الأصول الحر
سألت عراف الزمان
ليه أحوال العباد ما تسر
قال الناس زى الطيور
يا و لدى
قدام عينيك بتمر
و الطيور أصناف
أشكالها بتغر
فى طير بيسكن البرك
إسمه طير الغر
و طير الشاهين عالى
تشوفه هو الحر
إياك فى يوم تنخدع
أصل المظاهر بتغر
الطيبين راحوا يا و لدى
و باقى الخسيس ال يضر
🌱 و عجبى🌱
آدم ❇️
💫💫💫💫💫💫💫💫💫💫💫
✒️ الأديب د/عاطف فؤاد بطرس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.