آااااااخ يا وطَن 😪
شو صابَك يا وطنّنا العربي
حتى تركع تحتْ الكلّ ؟؟
ويجرّك بحبالو الغربي
ويدوسَكْ أصغَر محتلّ ؟!!
شو صابك يا وطنّنا العربي
حتى تعيش بقهر وذلّ ...
وتصير بإيديهن لعبِي
وكأنّكْ عاجز مختَلّ ؟!!!
كيف هيك تنكّرتْ لمجدكْ
وخليتُن يتجاوزوا حدّك ..
ويوَرّموا بصفعاتن خدّك
والدّموع بعينيكْ تهلّ ؟!!!
يا وطنّنا شو عملتْ بحَالكْ
وين صاروا بهالكون رجالكْ ..
مِن صَار العاهِر خيّالكْ
مجدَك ماتْ وعزّكْ فَلّ !!!
عم تنضَبْ خيرات بلادكْ
اوعى وفيق اختنقوا ولادَك ...
قول مرّة لأ لأسيادكْ
خلّي النخوة للحظة تطلّ !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.