انا مش بس بغير ..انا جوايا حاجات كتير
انا بخاف عليك من كل طير..
.انا دماغي بيتشل من التفكير
لما بشوف عينيها بتبص ليك....لما بسمع كلامها وهي بتهمس للناس عليك...لما بحس بخطواتها بتقرب اليك
انا مش بس بغير...انا بحزن جدا لما ابعد عنك ثانية
وعينيك تلمح ست تانية...وترمي عليها السلام وترد عليك بحنية ....وانا معاك مش مقصرة بس ببقى خايفة
وكمان عارفة ومتأكدة انك مش ممكن تديها امل ولو بكلمة
بس ببقى خايفة ...ايوه خايفة ...مش منك لا ابدا منها هي..لاني عارفة نيتها وعارفة كمان ايه سبب ابتسامتها
لما تشوفك معدي من جمبها ....بتجري وراك ملهوفة ونفسها توقع قدامك علشان تحضنها...دي مش حتكون صدفة دي هي اللي عاوزة توقعك بشباك حبها
حتقولي غيرة ستات ....وحتمشي معايا وبسكات
..حتضحك عليا وتقولي انسي اللي عدى واللي فات
طب انسى ازاي ....وهي وراك مش سايباك ومش بتعمل لحد حساب...هي عايزاك مش مهم معاك ست ولا مهم قلبك مين بحب المهم انها عاوزاك....ما انا عقلي دايما في شتات ...مش راضي يرتاح وهي ضميرها مات
من حقي اغير عليك....من حقي اخافظ عليك..ما انا روحي بين ايديك...وقلبي وعمري سلمته ليك.....
انا قلت خلاص الدنيا ضحكتلي لما رمتني بحصنك..حنسى تعب السنين وانا جمبك...وفعلا خدتني لدنيتك...وهمي بقا همك...واديتني حبك وحنانك
وانا ما بنكرش بس اعمل ايه....وانا على الطريق ماشية وشايفة بيتزرع قدامي شوك علشان يجرحني وبدل الورد يطرح دمع حيحرقني...... ده كله.... من خوفي عليك....
عارف نفسي في ايه....نفسي اخدك في حضني واقفل عليك واقولها حرام عليك.....ده انا روحي مراية روحه
انا والله بعيش علشانه...انا سبت دنيتي كلها وجيت اليه
ليه بس عايزة تحرقي قلبي عليه....وانت مش خايفة من ربنا ليه..
..بس خافي مني علشان لو قربتي منه...حتشوفي الويل مني...لو فكرتي ف نظرة منه ...حتعيشي مجروحة مني...وده حقي
ايوه حقي ...اني اغير عليك ...ما انت سندي وانت كل حاجة ليا وانت اللي استنيته سنين علشان اكون ليه
نظرة عينيك ...ضحكتك...حبك...وكل حاجة فيك
من حقي .......وحقي اغير عليك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.