(قرادي)
_________
يَ رفيق العمر المنصان
من شعري بأجمل صوره
رح برسم صوره بألوان
عن رفقنا المشهورة
___________________
(معَنّى )الحنين إلى الطفولة
_____________________
من بَعد رِحلة عمر قبل الإنصراف
من هالدني وكتابنا يطوي الغلاف
بِحكي ع أيام البراءة والهَفاف
ب سن الطفوله ل ما بيعرف إنحراف
يابو وليد رفيق عمري الكل شاف
رضعنا حليب الوالده والخير طاف
وسر الرضاعه قال ممنوع الجَفاف
وممنوع يحصل بينك وبيني خِلاف
طلِعنا عَجينه طاهره ب معجن عَفاف
وصرنا رمز ل الطيب عاروس الشفاف
بذكر سوا بالمدرسة كِنّا ظراف
نلبس صدارينا متل طقم الزفاف
وكانت الجيبه واحده ب مِحل وقطاف
ن صَفّى الوضع المادي بحالة نَشاف
انت وانا عابعضنا كنا نخاف
وياما تغَطينا سوا بذات اللحاف
واليوم رح إحكي ب نِيّه صادقه
ن شاالله الوآم يدوم آخرة المطاف
________________________
كلماتي وبقلمي أنا مدين رحال
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.