علّمني !!!
علّمني كيف اكذُب متلَكْ
علّمني كيف غشّ ...
كيف لفّ ودور واتلَعّبْ
واحمل مليون وشّ !!!
لا بقى تحاكيني عن صدقك
وتبدا الكذب ترشّ ...
لو قالوا مين ملك الحيلة
انتَ الكْ العرشْ !!!
صدّقتكْ ومشيتْ ورا قلبي
ما عرفتَك كذّابْ ..
انغرّيت بلسانك وبحَكيكْ
والوجّ الجذّابْ !!!
تاريك ملَعّب ما بتعرف
غير تغرز أنيابْ ...
باللي حبّ وصان العشرة
وبالآخر ينكَشّ !!!
يحرُق بيي الحبّ وسيرتو
الْ بيخلّينا ندوب ..
ما نعرف كاذِب ع حقيقتو
وقدّيشو لعّوب !!!
دغري منقول عنّو صادق
ومربّى وطيّوب ...
وبيطلع آخرتها منافق
بيتْ ودادُو هَشْ !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.