&&&&&&( استغراب )&&&&&&
لما السطور بتنكتب بالمنتدى
استغربت منها ليش ما الها صدى
*
شاعر رهيف الحس كلماتو عبر
فيها معاني منمقة وفيها صور
شاعر نظمها وكان فكرو ع الهدى
*
عم يكتبوا مواضيع فكر ومعرفة
فيها بلاغة فكر مطعّمة بالفلسفة
من بعد نشرا للأسف راحت سدى
*
سألت نفسي لمين تكتب يافكر
ضيعان شعر المنتدى بهيك عصر
كالورد ظامي بحاجة شوية ندى
*
شو بيمنع التعليق ع الأخ الزميل
ليشك يشاعر عند تعليقك بخيل
منها حضارة فيك حتى نُقتدى
*
تعليقك وتعليقنا بيعطي نشاط
كثر التعالي بيننا يُبدي إنحطاط
لتفرّقوا الندّين منزوق الردى
*
واحة شعر للكل مسرحها وسيع
كلا فطاحل منوجد فيها وضيع
مبريد شعر الكل عالهامش سدى
*
طالب محبة بعضنا نعلق كمان
بصون المحبة نقدر نهزّ الزمان
الله محبة في كتابو مفنّدى
*
عنا صقور المنتدى عنا نسور
عنا غواني شكلها شكل الزهور
بعدك يواحة بالمجد مافي حدى
*******
سلمان حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.