&&&&&&&&& ( الزمن الغابر)&&&&&&&&
_____________( موشح)___________
بين الحاضر والماضي ايامي تمر
مرّك عمري عالفاضي معرفت السر
بدك تاخد زوادي كي تغني الفقر
خليك عن نفسك راضي تبقى مرتاح
*
لمّا تمعّنت الصورة دارو الأفكار
عرفت الدنيا محصورة بدورة بيكار
تاري الدنيا مغمورة بهول واخطار
مهما شيّدت قصورا بكرا بتنزاح
*
هيدي الصورة تزكرني عهدالأجداد
ويلّي فيها محيّرني كانوا الأمجاد
وهلق يلّي بيقهرني ضاعوا الأحفاد
سيف البطل يجرّحني عباني جراح
*
مهما العز يجارينا م اراح يدوم
بكرا. مُر بيسقينا منشرب زقوم
منك. بطلب خلينا يا خي ّ دوم
ثوب الحب يدفينا وصفّ الأقداح
*
هالصبحية الحليانة في واحة شعر
فيها ديني وإيماني وموجات السحر
تسلم عين النعسانة ورموش الخضر
ويسلملي الصدر العالي مكوز تفاح
سلمان حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.