تسرّعتِ !!!
استعجلتِ بالرَّوحة كتير
وسَكّرتِ باب الرَّجعة ...
مش راح قلّك جرح كبير
ولا بتنزل مني دَمعة !!!
انتِ ال قرّرتْ ورحلتِ
وعمري ما بشوّه سمعة ..
لكن اوعك تحكي عليّي
ما عاد لك فيّي طمعة !!!
مش راح لومِك لمن شفتِ
دَهب وألماس وياقوت ..
كيف بلحظة العشرة رميتِ
وغرمتِ بصاحب الْ يخوتْ !!
بتذكر لما تجوّزتك
قالوا لي هي بنت بيوتْ ..
ولمّن حطّيتك بعيوني
قلتي ما بعيش بقصعَة !!!
روحي انبسطي شوفي حياتك
كم يوم ومن بعدها طلاق ..
هيدا عندو متلك ميّة
وأسهل شي عندو الفراق !!!
شافِكْ حلوة قال نجرّبْ
ما بيهمّو عشق وأشواق ..
ولمّا يملّ ويشبع منّك
بيقلّكْ امشي بسرعة !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.