همسات شعرية
( قصيدة بالعامية )
نص كلامي كله فكه ...؟
مش مربوط بحبيبه سكه
فك قلبي من رباطك
فر كأنه حمامه فكت
مش مغلوب على أمري بيك
ولا بقول أنا روحي فيك
أصل الحب دا خد وهات
مش هات كله ويبقي ليك
حبيت غيرك نص دسته
وهكمل مشواري فسحه
بايع قلبي للي شاري
و إلي يبيع أديله سكه
زمن الحب خلاص ما راح
لما الكذب صار مباح
كله ماشي كله فايت
البريمه شمال و فكت
آه يصنف ميتأنيش
جايه شمال ويمين مفيش
آه لو تمشي أصادي دوغري
كنا وصلنا هناك نعيش
لابس وش بكل لون
أحمر أزرق أصفر سيمون
خلطبيتة يا عشق بايت
لازم نعصر عليه لمون
مل قلبي من عشق هاجر
لما أشوفه بقي كلو عادي
كنا زمان نحلم ب بكره
جايب ورد من الجناين
جاني بكره يقول مفيش
أصل أمبارح كذاب و هيش
كلام الليل مدهون بذبدة
إن طلع النهار يسيح
بقلمي/عاطف محفوظ
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.