عَ أمل 😪
بعدَك متعلّق بالوهم ومش حابب تنسى حُبَّها ؟!!
عم تحفر اسمها بالعضم وناطر تا تسكُن قلبها !!!
اوعى عَ حالَكْ بسّ شوي المخلوقة مشِتْ بدربها ..
غيرَكْ صار شريك العمر ويمكن متلك بيحبّها !!!
ليشْ مصعّبْ هيدا الأمر وحابس حالك بالماضي ؟!!
ما بعمرها القسمة بالأمر بيكفِي تتعب ع الفاضي !!!
دوّر ع حالك تا تعيش الباقي من عمرك راضي ..
هيك الدنية كلها حظوظ ومنّكْ ع حكمها قاضي !!!
مش وحدَك بسّ اللي حبّ وما تهنّى باللي حَبّو ...
كتار الْ قبلَكْ داقوا الكَربْ وما حدن ما كفّى بدَربو !!!
اوعى تخلّي طعنِة بقلبْ تخلّيكْ الحُبّ تسبّو ..
بكرا بتعشق أحسَن منها وبتنسى الْ خان وكذبو !!!
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.