وَفاء !!!
طول عمرِك ما بتخطي الخطوة
من غير ما كون موافق ..
ليش هالمرّة غبتِ عنّي
مع انّي منّي رايق !!!
طوّلتِ يا نور عيوني
عا غيابِك قلبي طاقق ..
نار الوحدة عم تحرقني
ومنّي للعالم فايق !!!
بعرف هيدي إرادة ربّنا
ولازم بقضاؤه اقبلْ ..
لكن وجعي وحرقة قلبي
خلوني جنّ وادبَل !!!
يا ريتني سبقتك عا الرّوحة
تا ما دوق القهر وانذلّ ..
انتِ الْ كنتِ عزّي وسَنَدي
وعرشِكْ عا قصري لايق 😪
عامر ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.