{{ عيب }} كلمات الشاعر [[ عامر النابلسي ]]

عَيبْ !!!

هيدي بطّل اسمها جرأة 

ببساطة بسمّيها عَيبْ ..

تتمادى عَ بنات النّاس ومش

عامل قيمة للشّيبْ !!!

مش كلّ اللحم بيّتاكلْ 

لو حسّيت بحالَك ديب ...

اسمع مني وخليك بحالكْ 

ضبضبلي فلوسك بالجّيبْ !!!

سهراتك والنّاس الْ حولَكْ 

خلّوكْ بعيُنن سلطان ..

خدعوك بكذبُن تا يملّوا

جيابُن منّك يا فهمان !!!

وانت آمنت وصدّقت 

وصرتْ تغازل بالنسوان ..

مش متوقع وحدة ترفض 

وتعلّمك شو يعني العيب !!!

عامر ...