{ مغرور } بقلم الشاعر الكبير الدكتور [ عامر تيسير نابلسي ]

Amer Tayseer Nabulsi

بادئ محادثة · منذ ١٠ س

مغرور !!!

كل هيدا وما فهمت عليي معقولة يا شَبّ ؟!!

ولّا حاسس ومنّك راضي تتورّط بالحُبّ ؟!!!

أنا حبّيتك صعب عليي ما كفّي بهالدربْ ..

انتَ السّاكن مهما تعاند جوّا الرّوح والقلبْ !!!

اطلّع فيي وحاج تكابر ..

لا بقى تعمل فيها شاطر ..

ان كنّك رافضني للآخر جاوبني عن قرب !!!

كتار تمنّوا نظرة منّي وفرشوا دروبي ورود ..

ناطرين يسمعوا مين بنقّي مين عا قلبي يسُود !!!

وانت عم تطمع بإحساسي وتبني بينّا سدُود ..

هيدي ضريبة يلّي بيخلص ومش آخدها لعبْ !!!

اطلّع فيي وحاج تكابر ..

لا بقى تعمل فيها شاطر ..

ان كنّك رافضني للآخر جاوبني عن قرب !!!

عامر ...