بادئ محادثة
عشتار !!!
وبيضلّوا يقولولي تهدّى
وصَبّر قلبَكْ عَ اللي صار ...
إذا هيّه الْ خلفِت بوعودها مش لازم انتَ الْ تنهار !!!
ما عرفوا الوجَع اللي بقلبي
ولا حسّوا متلي بالنّار ...
سَهلْ عليُّن انُّن يحكوا وانا وحدي عايش بِمرار !!!
ياريتُن رحَموني وسكتوا
أو جابولي عنّها خبَار !!!!!
كيف بدّي انساها وعطرها
عم شمّو بكلّ الأزهار ؟...
أو انسى شكلها أو اسمها اللي عَ لساني ليل نهار !!!
ولّا القمر مراية وجّها
ولّا صوتها بكلّ الدّار ...
ولّا غزلها اللي خلّاني بأيّامها اكتُب أشعار !!!
ياريتُن سكتوا ما حكيوا
أو حملولي عنّها خبار !!!!!
عامر ....
عشتار : هي آلهة الحب والجمال والتضحية في الحروب في بلاد الرافدين ، ولقبت أيضاً بملكة الجنّة ..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.